Erubasa 16:21-24

²¹Is etew he uluwanen, egkekilala he metau he edsavut, ne emun metau he edlalag ne ebpekeistudyu is duma ziyà te kandin.

²²Is kegkesevuta te hustu, iyan ked-isipa zuen te menge pereudseb is iring te tudà te wahig he ebpekeveǥey te untung su ebpekepeluǥayad te untung te etew, iyan, is tinulebung he menge vaal, iyan igkesiluti te menge tulebung.

²³Is uluwanen he etew, edhuna ebpurung ed-isip-isip ne human egkaǥi, umbe utew egkesuati te ebpemineg is ibpenurù din.

²⁴Is menge lalag he meupiya he ebpemineǥen, ne iring te teneb is kegedgezama ta zuen diyà te ǥehinawa ta ne ebpekevawì kenita.