Erubasa 16:2-10

²Is langun he ed-ul-ulahan te etew, midtuuwan din he hustu, piru edsusiyen te Nengazen is tuyù te uman sevaha.

³Isarig nu ziyà te Nengazen is minsan hengkey he ed-ul-ulahan nu, ne egketuman nu is menge pelanu nu.

⁴Is minsan hengkey he ebeelan te Nengazen ne zuen din tuyù dutun, ne netuenan din ke keenu zin edtepusa, ne is imbanglis diyà te lalung he menge etew iyan is kezeetan.

⁵Egkeepesan te Nengazen is menge mepelevawen, ne siguradu edsilutan din sikandan.

⁶Emun mahal ta is Nengazen he metinumanen, ebpeseyluwen din is menge salè ta. Emun edtehuzen ta sikandin, egkelikayan ta is mezaat he egkeulaula.

⁷Emun igkesuat te Nengazen is menge ulaula ta, edhimuwen din he meemiǥu ta is menge kuntada ta.

⁸Deyzey pa is deisey he ketiǥeyunan he meupiya he paaǥi is kegketiǥeyuni zuen, kenà is dekelà he ketiǥeyunan he netiǥeyunan pinaaǥi te limbung.

⁹Pinaaǥi te isip te etew edhimuwen din is pelanu zin piru iyan egiya kandin is Nengazen.

¹⁰Emun edhukum is hadì he egiyahan te Megbevayà, layun hustu is kukuman din.