Eks 8:24-33

²⁴Bu ijeg kuavga Saimon fu uri kia, E-e ni nuifuon God kuaga vuak iji ja kuardienva iji fuba nun rekno kiain.

²⁵Ijegrene bun Godon vuak ma ijiga unam ma iji izeg God fu buon renma ijin kuardiaknum nijaidiame barko Fita ko Jon bun una Jerusarem vain. Bu una vako ijia bu unam ijia Jesuon vuak ma iji abe e Sameriako iji kuardiaknum vain.

²⁶Areme Godon anera ijar e Firif kua, Aiji unam Jerusarem ijia una gafia Gaza vako ijefuon vakne kuain. Regavo unam iji bu e ijia oijo bakin ga fuka ma usuikor.

²⁷Ijefuon Firif fun kanaufume fun vako ijia fu e bomana be moik Itiofiako ijiebuon barak Kuinon mon samuamo iji unam ijia bien. Regavo e Itiofia buon bara Kuin ijefuon if iji Kedesino kuain. E bomana iji fu ar Jerusarem ijia Godon sirimamekafa vainma una fata iji bu maf-os kege iritia oijo ijia ajie vuaknum e Asaia e Godon vuak vierafene kuaimon iji fu isoinma iji daknum rok.

²⁹Regavo Godon Kaven ijar Firif kua, Fata gari maf-os fu dakara ruvako iji samaij ijia ura vakne kuain.

³⁰Fu ijeg kuamga Firif fu kukum garia keko faik e iji fu Asaiaon vuak iji dama fu faime uri kua, Vuak iji a damo iji abe vierafenmano kuain.

³¹Firif fu ijeg kuardamga e iji fu kua, Na izeg vierafkva bakin revo fu e bes vuak igi na davo iji faime una kuardiekma na ijiason vierafekno kuain. Areme fu Firif kuama fu ajieme fusik fata ijia fikok maf-os ijar dakarama bun vain.

³²Regavo buk ijia Godon vuak kafar be fu ijeg dai, E be fuka maf-sif igeg bu kaniaga bu ekenavo bakin revo jau buon ufuga bu jiekejo bakin ijeg bu fu kanavga fuba vuak kafo ijia kuardiain revo fum ibite nain.

³³Regavo bu fu kunaime abe varaimeknum vuak kufui ijia fu abe kot ren. Regavo fum guainma ijefuon fu erar uifarif fuon ijiebuon vuak iji abe e kuardiakma bakin. (Revo vuak iji e bomana fu dainma iji e Asaiar ijeg kuainma fu iji dain).