Eks 23:6-8

⁶For fu gia e mamkanuk iji afuinva ijia e roin bu e Ferisis ga roin bu e Sejusis. Ijefuon fu giame uri e mamkanuk iji afuinva iji kia, Efnun naiji na e Ferisis ga na e Ferisis ijiebuon farif revo na e mamkanuk igiebuon nifak igia manijo ijefuon maiji na vierafega God fu e iji aoinva iji fu kiaga bu una urikfuon ijefuon na iji igia manine vuak nun kuaim irasevno kiain.

⁷For fu ijeg kiamga e Ferisis iji abevo e Sejusis iji bun uri bui musikuaime dab atame roinroin ren.

⁸Ijefuon maiji e Sejusis iji bu vierafero e iji aoivo iji bu una urijo ba ga madu Godon anera ijigam Godon kaven iji bu bakiro bu ijeg vierafen. Regavo e Ferisis iji bu vierafega vuak iji fu maga bu ijeg vierafe. Regavo e Ferisis roin e Mosison akai nijaidiavo iji bu ga e iji buka uruvana musikuaivga bu uri uruvana igia juin. Bu zieme kuai, No e iji no gaga fu ire ise kafo fuba ren. Ijefuon no vierafega e iji kafu fun ma Godon anera vo baga Godon kaven ijar kuardaga fu iji kuaimno kuain.