2Gote-me niaa onaa go su-amaa madiape di gua wala omape di page gea. Eta wai poape yapidi page gua eta naape awape yapidi page gea.
3Gote-me onaa yaina maetape page aa tumaope yapidi page luabu nipumi saaya. Nipumi oyae maoyaatua wala maepeape yapidi page nipumi ama pea.
4Nipumi re lape yapi di page giri lape yapidi page nipumi ama saaya. Odo omape di page yasa pawa lape di page saaya.
5Nipumi onaa rapu patape yapidi page saaya rekena sua gimape yapidi page saaya. Ona ripinape page ona naorape yapidi page saaya.
Eklisiatis 3
Eklisiatis 3:2-5