Ekeliziasiti 8:7-14

⁷Sina loke tie si tumae nia sa totoso vugo na repere, esei boka tozia sa si korapa mae?

⁸Loke tie tagoa sa ṉiniraṉira pude lalae nia sa givusu; ke loke tie tugo tagoa sa ṉiniraṉira pude va nosoa sa nana rane mate. Gua sapu loke tie si tava malumu pude pule pa totoso varipera, sa kinaleana tugo ba lopu vata rupahi sarini pu tavetavete koasa.

⁹Doduru hire si dogori rau totoso balabala la i rau sari doduru ginugua pu evaṉa pa kauruna sa rimata. Koa nana sa totoso sapu lalae ni sa tie sari kaiqa, meke ta sigiti ni sa.

¹⁰Meke dogori tugo rau sari tie kaleadi ta pomunae, arini pu pilipule koasa Zelepade meke vagi vinahesi pa vasileana vasina hoke ṉoṉovali arini sari na tie. Hie tugo si loketoṉa laena.

¹¹Totoso lopu tuturei ta kilasa sa tie koasa kinaleana tavetia sa, si sari bulodi rina tie si siṉi na hiniva pude tavete va kaleana.

¹²Na tie kaleana si kote boka tavete va sea keke gogoto totoso meke toa va gelenae nana, ba gilania rau sapu sarini pu pamaṉa nia sa Tamasa si kote bokaboka hola la tu.

¹³Ba sina sa tie kaleana si lopu pamaṉa nia sa Tamasa, ke lopu kote bokaboka si asa, meke sari nana rane si lopu kote gele.

¹⁴Koa nana pule sapu loke laena pa popoa pepeso: Sari na tie toṉoto sapu vagia sa vina kilasa tadi na tie kaleadi, meke sari na tie kaleadi sapu vagi sari na lineana tadi na tie toṉoto. Hie tugo si loke laena, guni nia arau.