Ekeliziasiti 10:3-12

³Nonoga hola pana ene pa siraṉa sa tie pekipeki, na kote dogoria mo ri na tie sapu na pekipekina si asa.

⁴Be guana bugoro nigo sa baṉara si goi, si lopu veko pania sa mua tuturuana; na binule boka va noso i mo sari na sinea nomadi.

⁵Koa nana si keke kinaleana sapu dogoria rau pa kauruna sa rimata, sa sinea gua sapu hoke vura koari na koimata.

⁶Sari na tie pekipeki si ta veko pa tuturuana nomadi, meke sari tie tagotago si koa pa vasina pepekadi.

⁷Ele dogori rau sari na pinausu sapu habotu pa hose, meke sari koburu tavia si ene guana pinausu.

⁸Asa pu gelia sa pou si kote hoqa pule nia mo sa; asa pu lopoto nuquru pa goba si kote ta garata noki.

⁹Asa pu la geli patu si kote ta bakora patu; asa pu soko huda si kote boka bakora maho.

¹⁰Pude tutu sa maho meke pako sa livona, si na ṉiniraṉira si kote ta hivae, ba na ginilagilana si va kamo binokaboka.

¹¹Be guana garata sa noki sipu lopu ele va mamania sa tie kopu, si loke laena mo sa tie kopu.

¹²Sari zinama pa ṉuzuna sa tie gilagilana si avoso lea, ba sa tie pekipeki si ṉovala pule nia koari nana zinama.