Ekelesiyastisi 3:4-15

⁴Anjokorape mona rando karope dee rae maiyuo karope dee kumanda ee lao pisope dee rae maiyuo malya pyao kararami dusipape baame rombo palyingi.

⁵Yuu gii enda akalipa mendakinya palenge dokope dee yuu gii pali nange dokope yuu gii bange maingi dokope yuu gii bange mai nange dokope baame pyuo waso retenge.

⁶Yuu gii bange nembengepe yuu gii nembapala koto nyingipi yuu gii kana nyuo retengepe yuu gii kana pyao nembengepe baame rombo palyingi.

⁷Anjokorape komau kangurami dokope kii pirami dokope romo napyuo mee pisirami dokope dee pii lao pisirami dokope dusipa baame waso retenge.

⁸Yuu gii mona retengepe yango palyuo epe kanda nangepe yuu gii yanda pingipi yuu gii kui lao mona silyamo karengepe dusipa baame waso retengeko.

⁹Namwa yulu andake pipala dokona aki mende nyingisi?

¹⁰Anatumi kenda namwa keta retakayamo dupwa namba silyu.

¹¹Baame yulu peparae dupwana yuu gii angi rolae doko waso reteya. Retapala dokopa namwame rengya mende piraŋa lao soo nyimwali suu pingi doko Anatumi namwa keta palyakaya. Dopa piyamopape baame yulu pingi dupwana lapo namwame soo gisa narami lao piya.

¹²Dokona lao namwa lete kararamano dokopa rae maiyuo yulu elyape pyuo kararama lao soo nyiyu.

¹³Namwame yulu pipala nenge ipwape nyepala rae maiyuo narama. Dupwa Antumi jiya.

¹⁴Anatumi yulu peparae pingi dupwa ama sulu seraŋa lao pingi doko namba silyu. Embame dokona mende konda pyuo pyuope dee dokona mende nyisa nyuo nembope pii nare ingilyamo. Anatumi namwame baa mupwa lao suu pyao pako paliramiŋi lao pingi.

¹⁵Yulu lapo dakepa pilyamo dupwa wamba dopa piyako. Dee yulu lapo ene pira dupwa wamba dopa piyako. Anatumi wamba yulu pinginyili pyuo kamba kamba pyuoko pingi.