6Ar e-daedi, e-sabguedi, e-sae-itogedi, ibmarbina-sulibinsa-itogedi, burgwisadgi, bergusiid. Ar we-napneggi, gannar weyob-guoedgi-binsaodeeye bar binsamaiosulid.
7¡Weligwaledgi mas be gunne! ¡Yeer-itogedgi vino be gobbali! Ar Bab-Dummad be-ibmar-imaksadi, yeer be-ibe daksad.
8Na be mor-dagudikmaladbi yodigu guo, gwallu-wawad nonogi be magakwaa-gudigu guo.
9Na be ome-bela-bela-abegedbogwa, bane-bane wergudii gusun. Ar Bab-Dummad, we-napneggi sikwas-gudiguega be-imaksad. We-napneggi, ibagan-gwen-nabir-nanamaisursoggu, na be wegi wergudii gusun. We-napneggi-alamakdiid-nukad, we-werguedi wis bega uklesad.
10Ibu-ibmar-imaked bega uklenonikile, imakedse be sao, melle be imaksuli guo. Ar be burgwisardi bar arbaosulid, ibmar-wisguleged-igar surbalid, degi, binsaed-nikagued-igar surbalid.
11We-napneggi an negdaknonibalid: Abarmaklegedgi-bengulegedgi dule-sabsur-abarmakedbi emargi obinsulid. Bila-onolegedgi dule-gargangued-nikadbi emargi obinsulid. Dule-binsaed-ibedbi mas gunsulid. Dule-ibmar-wisirbaadbi mani-ibedga gusulid. Dule-nue-garda-wismaladbi e-bina soglesulid. Ar bela dulemarga, imbagwenale, ibagan-nued ega nonidaed, imbagwenale, ibagan-isgana ega nonidabalid.
Eclesiastés 9
Eclesiastés 9:6-11