ECLESIASTÉS 3:3-7

³Onca tonali para titlamictis huan onca tonali para titepajtis. Onca tonali para titlaxolehuas huan onca tonali para tijcualchijchihuas.

⁴Onca tonali para tichocas huan onca tonali para tihuetzcas. Onca tonali para timocuesos huan onca tonali para timijtotis.

⁵Onca tonali para tiquinsemanas tetini huan onca tonali para tiquinsentilis. Onca tonali para tijcuanajnahuas se tlacatl huan onca tonali para ax tijchihuas.

⁶Onca tonali para tijtemos huan tijpantis tlamantli huan onca tonali para tijpolos. Onca tonali para titlaajcocuis huan onca tonali para tijtepehuas tlen ticajcoctoc.

⁷Onca tonali para tijtzayanas se tlenijqui huan onca tonali para tiquijtzomas tlen tzayantoc. Onca tonali para timocamatzacuas huan onca tonali para ticamatis.