Eclesiastés 3:3-11

³Canmi wañuchinan timpu; jampina timpupis. Canmi juchuchina timpu; jatarachinan timpupis.

⁴Canmi wagana timpu; asina timpupis. Canmi lütuna timpu; fistata rurana timpupis.

⁵Canmi rumicunata mashtana timpu; rumita shuntana timpupis. Canmi macallanacunan timpu; mana macallanacunan timpupis.

⁶Canmi tarina timpu; ograna timpupis. Canmi churana timpu; jitarina timpupis.

⁷Canmi rachir-ushana timpu; jiranan timpupis. Canmi upälla cacunan timpu; parlanan timpupis.

⁸Canmi cuyanacunan timpu; chiquinacunan timpupis. Canmi guërrata rurana timpu; cushisha goyäna timpupis.

⁹May-jina ñacar arurpis runaga ¿ima allitaraj jorgun?

¹⁰Canan tantiyacushcämi runacunapaj Tayta Dios sasa aruyta camacächishanta. Chaura chay aruyllachömi tincuypa-tincur goyan.

¹¹Tayta Diosmi llapantapis camacächiran timpuncho cananpaj. Runatapis camaran shamoj watacunacho ima päsananpaj cajtapis yarpachacunanpaj. Chaypis runa manami tantiyayta atipanchu gallarinanpita ushanancama Tayta Dios camashancunata.