ECCLESIASTES 6:4-9

⁴Frustra enim venit, et pergit ad tenebras, et oblivione delebitur nomen ejus.

⁵Non vidit solem, neque cognovit distantiam boni et mali.

⁶Etiam si duobus millibus annis vixerit, et non fuerit perfruitus bonis, nonne ad unum locum properant omnia?

⁷Omnis labor hominis in ore ejus; sed anima ejus non implebitur.

⁸Quid habet amplius sapiens a stulto? et quid pauper, nisi ut pergat illuc ubi est vita?

⁹Melius est videre quod cupias, quam desiderare quod nescias. Sed et hoc vanitas est, et præsumptio spiritus.