Ecclesiastes 1:1-8

¹Pa inge kas lun sie Mwet Luti Lalmwetmet, wen natul David, su tuh tokosra in Jerusalem.

²Mwet Luti Lalmwetmet el fahk lah ma nukewa ma lusrongten na lusrongten! Moul uh wangin sripama na lusrongten se.

³Kom orekma ac kemkatu in moul lom nufon, na mea oasr ma kom konauk kac?

⁴Sie fwil uh somla ac sie fwil sifil tuku, a faclu nuna ouiya ah na.

⁵Faht ah srakna tak ac srakna tili, na sa na in folok nu ke acn se ma el ac sifil takak we.

⁶Eng uh tuh eir me ac som nu epang, ac sifil tuk — raun na raun.

⁷Infacl nukewa sororla nu meoa, a meoa soenna sessesla. Kof uh folok nu yen infacl uh mutawauk we, ac sifilpa sororma.

⁸Saflaiyen ma nukewa pa totola — sie totola na yohk su wangin kas fal in aketeya. Mutasr tia muti ke ma kut liye, ac insresr tia muti ke ma kut lohng.