Ecclesiastes 12:3-12

³Anina ma nimami, taugagaloemi ina sisi aemi marina vivirewapanana ina vokokokara. Ivomi ina viruaḡa da ami lam eḡa ona uta gwadagwadai, matami ina vinawanawa da eḡa ona inana kaua.

⁴Taniḡami ina pota da gugura au etanai eḡa ona nonori, kiu ina logologoi ina ravidagudaguimi wate ai wela anatapui ina amoa.

⁵Taukauemi ona vinuanotenotei: Maranai aidamo ona gagatei ma babara ona rovoei, maranai kora ina tonaimi me rei talana, ma tam ma gwaḡa-nae me kapau e gwaḡagwaḡa-nae iraḡe aubaina. Erawa ma morelana anatapui ina kwa. Tauta kokoaḡa ta tuḡereḡerei ma tou ina vikarei au doa.

⁶Taukauemi ona vinuanotei, muriai da lavutu ḡuravana ina wanautuini, bo nau goldei ina wanawamai ma reduḡoru ina wanakabakabari.

⁷Ma tupuami ina naeme au doa ma aruami ina naeme God, tauverena awarina.

⁸Tauviararamana i riwa, “Anona eḡa! Anona eḡa! Anatapuna anona eḡa.”

⁹Tauviararamana nuanuana i ulaula kaua, ma aiwai i aramanei rava i viararamani. Riwa nuaulaulaui maḡamaḡaui i ʼavi ma i girumei ma i rereḡa-kauei.

¹⁰Tauna riwa vinuaubana i baiei ma aiwai i girumi lamna jijimanina ma ririwa-kauana.

¹¹Tauviararamana riwai lamna me kwapu ma riwa nuaulaulai i gam me tutu, nuanuam ita tonatonai. Wei anatapuna Bada i vereta.

¹²Anina natu, ma aramanei da kaua ḡelaui ma inana-kauei. Buka girumai eḡa ina kwa ma giruma ḡiriḡiri i vinigarigari.