Text copied!
CopyCompare
I tnalù dwata - Dyan - Dyan 9

Dyan 9:21-28

Help us?
Click on verse(s) to share them!
21bay làmi gadè i gumdaan mite, na làmi gadè ku simto i fgulê kenen. Snalekyu kenen du tagablà ktuan, na gamtimel nan kenen gablà di kton.”
22Én man i dad tuan, du likò ale i dad ganlal i dad Dyu, du satu nawala di kmanla na ku simto mangman na Dyisas i Mgalék Dwata, làla kenen faloh fusuk di gal gusatdò.
23Taman én duen i dad tuan mangman, “Snalekyu kenen du tagablà ktuan tmimel.”
24Na taman tlola lêman i to butè, na manla di kenen, “Tmulen ge i kaglutan di muna Dwata. Hae, du gadèmi Dyisas ani alò satu to gamsalà.”
25Na tmimel i to én, manan, “Làgu gadè ku gamsalà kenen ku demen là. Én alògu gadè butè agu di muna, bay ani tamite agu.”
26Na lêmanla man di kenen, “Tan i nimoan di ge? Tan i kiboan fgulê i matam?”
27Na tmimel kenen, manan, “Tatulengu gamu, bay là gamu flinge! Kan ku mayè flinge lêman? Mayè gamu kè mbaling dad mlalò kenen?”
28Na mdà di kalbutla talù ale sasè di kenen, manla, “Ge sa i satu mlalò kenen, bay gami là. Mosis i lalòmi.

Read Dyan 9Dyan 9
Compare Dyan 9:21-28Dyan 9:21-28