Text copied!
CopyCompare
I tnalù dwata - Dyan - Dyan 5

Dyan 5:8-18

Help us?
Click on verse(s) to share them!
8Na man Dyisas di kenen, “Tadag ge, nweam i gumileam, na magu ge.”
9Na di kman Dyisas ani mgulê kenen, na nwean i gumilean, na magu. Mgimò ani di Duh Kaftud i dad Dyu.
10Na di kite i dad ganlal dad Dyu i nimò i to mgulê ani, manla, “Duh Kaftud ani! Nlafaam i flalò gablà di Duh Kaftud di kebem gumileam.”
11Kabay tmimel kenen, manan, “I to fgulê deg i mdek deg mwè i gumilègu na magu.”
12Na snalekla kenen, manla, “Simto kè i mdek ge mwè i gumileam na magu?”
13Kabay là sa gadè i to mgulê ku simto fgulê kenen, du too dee dad to stifun déén, na fasbool Dyisas di dale, na mdà.
14Kafnge én, teen Dyisas i to én déén di Bong Gumnè Dwata, na manan di kenen, “Neyem, tamgulê ge! Na nang ge lêman mimò sasè ken matnù i ksasè mkel di ge.”
15Na mdà i to mgulê gine, na tnulenan i dad ganlal dad Dyu na Dyisas kadì gafgulê kenen.
16Du gambet ani i nimò Dyisas di Duh Kaftud, én i gumdà i dad ganlal dad Dyu mlayam kenen.
17Na tmimel Dyisas dale, manan, “Là ftud i Màgu Dwata mimò kel ani, na salngad deg, mimò agu.”
18Na di kman Dyisas ani matnù baling kayè i dad ganlal dad Dyu mati kenen, là alò du nlafaan i Duh Kaftud, bay du manan Dwata i Maan, na di kmanan én, fasngadan i kton di Dwata.

Read Dyan 5Dyan 5
Compare Dyan 5:8-18Dyan 5:8-18