Dyan 5:41-47

⁴¹Na ise ku yé fanngabalgu i kdayen i dad to,

⁴²bay gadègu gamu, na gadègu là kanbongyu nawa i Dwata.

⁴³Salu agu dini fagu di dagit Mà, bay làyu agu dnawat. Bay ku nun to salu dini di kenen dagit, baling yé dnawatyu.

⁴⁴Na yé knayèyu i kdayen i dademeyu to, bay làyu nusal kdayen mdà di too glut Dwata. Taman, landè kibòyu ftoo.

⁴⁵Bay nangyu fandam ku do i tmulen gamu di Màgu, bay Mosis, i gumgal nawayu, yé sa tmulen gamu.

⁴⁶Ku glut ftoo gamu di man Mosis, lê gamu ftoo moon di do du smulat Mosis gablà di do.

⁴⁷Bay du là fantooyu i dad sulat Mosis, dét kibòyu ftoo di dad man-gu?”