Dyan 4:37-43

³⁷Taman, too glut i galla man, ‘Mahal i to mlah, na mahal i to kamtu.’

³⁸Ta dekta gamu kamtu di ise gamu fanlah. Dademe i mlah dun, bay gamu gamdawat lubayla.”

³⁹Na nun dee dad to ftoo di ku Dyisas mdà di lunsud ayé di Samarya du mdà di ktulen i libun ayé, du manan, “Ta tulenan do i kdee dad nimògu.”

⁴⁰Na kanto kel i dad to ayé di ku Dyisas, beg ale fakdo di kenen du fye fanak di safédla, taman fanak kenen ditù lwe butang klon.

⁴¹Na nun fa dee dademe to ftoo di kenen du di laman fanak di banwela, gal kenen tamdò.

⁴²Na man i dad to di libun ayé, “I kaftoomi ise ku lo mdà di ktulenam dun di gami, bay ta toomi linge di kenen, na ta gadèmi kenen i Falwà i dad to di klamang banwe.”

⁴³Na kafnge lwe butang, ta mdà Dyisas mulê di Galili.