Dyan 3:32-36

³²I tulenan, dunan i teenan na talingen di langit, bay knean landè alì to faglut di manan.

³³Kabay ku simto dmawat i manan, fiten fagu di kdawatan kdee man Dwata too glut.

³⁴Du Dyisas i to dek Dwata, na i gumdà dad taluan di Dwata du sdulê blé Dwata i Tulusan di kenen.

³⁵Too bong nawa Maan i Tingaan, taman fagotan di kenen i kdee.

³⁶Na balù simto faglut di Tingà Dwata gamdawat nawan landè sen, bay ku simto là mimen i Tingà Dwata là gamdawat nawan landè sen, bay mnè kenen di kalbut Dwata kel di landè gusenan.”