Dyan 20:1-5

¹Na di too flafus Linggu, ta mdà Méri Magdalin salu di lbang Dyisas, bay kakelan déé, teenan ta mlulid i bong batu mdà di bà i ilib.

²Taman, milah kenen salu di ku Simon Piter, na lê i satu to gal tdò Dyisas i toon kanbong nawa. Na di kakelan déé, manan di dale, “Ta nwèla laweh i Amuto, na là gadèmi ku nè gumkahla dun.”

³Kafnge ayé, ta mdà Piter na i satu to tdò Dyisas, na gatù ale di lbang.

⁴Lwe ale sadluh gatù, bay kibò baltik i satu, na muna kenen kel di lbang.

⁵Na fkagò kenen du smanil, na teenan i dad falnas bukay, bay là fusukan.