28Kòo yɑ̀ Yesu kɛ́kuɔ́nko mɛdiɛ̀ nkɛ nínkú o ììkɛ̀ kɛ dɔ̀: Ti kpɛti dòmmɛ mí nnɛ̀ fɔ̃́ nKuyie nkùù bɑkɛ́ kɛtenkɛ̀ nɛ̀ kɛĩ́nkɛ̀ ku birɛ? N dɑ bɑ́ɑmmu, ɑ bɑ́ n fɛ̃́ũ.
29Kɛ yɛ̃́ Yesu do dì pɛ́ìmmɛ̀ kɛ dɔ̀: Yɛ̀ onìtì yie mmiɛkɛ fɔ̃́ ndibɔɔ̀! Dɛ kó dibɔɔ̀ do ò tɑ nɛ̀ dimɔ̀nnì ndi, kɛ̀ bɛ̀ níí boú o nɔu mɛfĩmmɛ o nɑɑ̀cɛ̀i timɑ́tì, kòo dɛ̀ tɔ̃̀ũ, kɛ̀ dìi ò tɑnnɛ́ dikpɑ́ɑ̀.
30Kɛ̀ Yesu ò bekɛ kɛ dɔ̀: A yètìrì tú bɑ? Kòo dɔ̀: N yètìrì tu: Kusṹkù. Yɛbɔkɛ̀ kusṹkù kuù do ò tɑ.
31Kɛ̀ yɛ̀ɛ bɑ́ntɛ̀ Yesu kɛ dɔ̀: A bɑ́ɑ́ ti tɑnnɛ́ difɔ̃̀tìrì cũmpuri.
32Kɛ sɔ̃́ nkufɔ̃̀nkɛ̀cɛ̃nku mɑkù bo ditɑ̃rì ĩ́nkɛ̀ kɛ diiti kɛ̀ yɛbɔkɛ̀ɛ bɑ́ntɛ̀ Yesu kɛ dɔ̀ wèe yóu kɛ̀ yɛ̀ɛ kɔtɛ kɛ́tɑ dɛ kó kufɔ̃̀nkɛ̀cɛ̃nku. Kɛ̀ Yesu dɔ̀ yɛ̀ɛ kɔtɛ.
Duku 8
Duku 8:28-32