Diyesuwa 24:28-33

²⁸Mulina yai, Diyesuwa dodoga mahudoꞌidi ya fatamalidi sa lau hesa - hesa ena nuꞌu yai.

²⁹Mulina yai, Yaubada tau saguhina, Diyesuwa, Nun natuna, ya peꞌi. Ena boliman mate 110.

³⁰Ena nuꞌu hesana Timnata Sala, Efalaim Tuꞌadi ganahewadi yai, mate tuꞌa hesa hesana Gaꞌasi tefa lidilidina yai amainiya sa boꞌusai.

³¹Diyesuwa ma miyamiyana, Isalaela Yaubada sa lau watan, ya lau ee–, ya peꞌi. Mulina yai, Diyesuwa ena babaꞌisa sadaina yai ma miyamiyadi, Yaubada sa lau watan hinaga, paꞌana ginauli mahudoꞌidi Yaubada ya famahatadi lisidi yai, matadi yai sa itadi.

³²Beyabeyana, Idipi yai, Diyosepa silanna sa lawen, be adi ulutubu, Iyakobo, adi bwana tanohina haꞌa ya une, maisana mate siluba ouꞌoulidi 100, Hamoli nanatudi lebedi yai, amainiya Sekem nuꞌuna yai sa boꞌusai.

³³Yo Eliyesa, Elon natuna ya peꞌi hinaga, be sa boꞌusai, Gibiya Nuꞌuna yai. Nuꞌuna mate Efalaim Tuꞌadi ganahewadi yai, haꞌa sa felen, Eliyesa natuna Fineyasi, enehena.