Diye Di Odoo 15:32-38

³²Osoloso Godeeyo to tosili odoo Yudas dio Sailesi dio oso, tei telaga odoo mapoo diayo tei too kibilame pidi to takaso.

³³Osoloso beeame abo Antiyoka mapoo doboso, tei telaga odoo oso Yudas dio Sailesi dio see Yolusalem mapoo medee obeeamo wedi diadeeye diso.

³⁴Esino Sailesi yo Yudasbolo Yolusalem mapoo wedi dile, esino yo Antiyoka mapoo badebeiso.

³⁵Eseme Polo dio Banabasi dio Antiyoka mi mapoo osee dobolone odoo abo sabolo, Godeeyo to Yesuwo goo maga takolone debeiso.

³⁶Hamamee beeame heeso Poloye Banabasi mapoo egeesee takaso, “Iba see wedi dileso, iyo daga Lodeeyo to takomo di mi pepuso susuga ee ogogomo dimo. Bei, tei telaga odoo mi omapoo egee do ee ayo dia gooleega, iyo dileso diba agalai, a goomogo,” diso.

³⁷Esino Banabasiye Yonee Maka dibolo ido dilame goomogaso.

³⁸Esino Polo yo Yonee Maka diayo ido dilei tekeponee diso. Bei, diayo daga di ma kulodu Yonee Maka hesiano, yayo o tou dibolo tele poogooso. Bei, Yonee Makaye diba poogoloso Pampilia mi maga diso.