1Vani mole Iesuu tota hoilahai Galili tabu ke houi vaki mole lohonu. Tabu ke ivi moleike Taibiliasi.
2Iale Iesuu keve lohoge ata moagaeau ehovai avuluvuta loholu. Kosealemo au au vuvune vavevemo vavahanitebia hoesegeveale ke abu elehalu.
3Ige Iesuu au esemu holoevei abuhi tiale tanae uguiavoi ua.
4Diue vahaeho vani mole Basova keu kateimalela vuguvuguanu.
5Ige Iesuu niavei elehage ata moagamoagaeau avue lohoma. Ige au kebia elegevei au esemu mole Bilibi namihai avoe, “Nahiabuna oleve lovi voilahai ata kobia bahata ovei.”
6Kateai loui Bilibi evievi kaovanu. Au kateaito hilokage auna vikoe vaveve vai.
7Ige Bilibiu namihai avoe, “Nahiabuna moni baluga tu handele kina (K200) kateale malei lovi voilahage au bae neniabeta ulivebene.”
Dioni 6
Dioni 6:1-7