Dion 7:2-17

²Go wam ame Diu nagire dugup wanup gapan tune baripe konintu tan.

³Iesu gwani waiwa denip mega daitonawa me inap anega wane, “Ge at ma ae ve amba at Diudia ak, ap me gapan wa ewamot gegawa Diudia gapanawa yo paua ugup ugup gega yawain.

⁴Iwa orup ansena da yaua aroga tauat anuiniwa karaua ya tata. Ap menan wataget ge inak ugup ugup taingiana, gek ingane piup ma to ewat.”

⁵Iesu mek gwani waiwa anu tumat da me inap ya tane menan ap anega wane.

⁶Go Iesu inamup wan, “Wam nega tamanawa ya di onen tauia, go wam ega union da di.

⁷Piup ma e ya tandayat imaiwan, go ne tandayat nimanegiwan iwa mu koewa muga wat arogam mumivin.

⁸E barip gage aisen. Ne endi barip ame gage ya di dot ongain, iwa endi mame ne wam nega tamanawa da uon.”

⁹Mame wani ewap me Galili gapan wande en.

¹⁰Ap menan, gwani waiwa barip menan amone ewamup, me den aen, aroga uon, go karaua.

¹¹Endi yawat mega barip ame gagap Diu nagirewa Iesu menan yangut tan singui waiwanumun, “Apan ame amba?”

¹²To iam baware ameme gapan nop simura wa agagam baraene senaren. Upi wane, “Me apan kakae” upi gare wan, “Uon, me waenapan ebo ewamuiniwa.”

¹³Go Iesu menan da daiton aroga ya di wane iwa Diu nagire tamu tane.

¹⁴Barip tane uon ya tan amba yaumakap Iesu God Paewa dot ae opata wadidiamon.

¹⁵Diu nagirewa no i kap wane amba anega wan, “Apan ma anut amba anenen waren, anut yowa da ya tainiwa?”

¹⁶Iesu gare wan, “Dim da wadiaingina ma negawa uon go God watu enanegeniwa me inap tauen.

¹⁷Da da God nop mega anu tapiwa, ne God amun mega gapan waivin o nek waivin, ame mu anuin.