Text copied!
CopyCompare
Daga New Testament - Dion - Dion 19

Dion 19:6-27

Help us?
Click on verse(s) to share them!
6Mek menawaet pirisi nagirewa amba ita nagirewa Iesu yawane, mu ve anega wan, 鈥淭o endawan! To endawan!鈥 Go Pailat gare anega wan, 鈥淎pan ek waran amba to endawan. Nek nenan, koewa me inapewa ne da ya tautanan.鈥
7Diu nagire gare anega wane, 鈥淣u iup nuga wandia, amba iup ame wainiwa me boepen di, iwa mek ingane God otua wan.鈥
8Wam ame Pailat nop mame anuni, boge me tap aritavet anun,
9amba me entane pa mega gwanap aen. 鈥淕e at ambe gapan tauaan?鈥 Iesu singui wayaven, go Iesu nop gare da ya wan.
10鈥淕e nop inanap wawa tanda taingi?鈥 Pailat anega wan. 鈥淕e anu avingi ne wat vetagepen go to endawagepen aroewa inanap wandia?鈥
11Iesu gare anega wan, 鈥淕e God aro amun ame ya genapo ge bawarewa inanap ya tapo. Ibariwa ameme apan da ne waranege ge nanik gwanap baraeniwa me koewa megawa arita iragen.鈥
12Amba, Pailat Iesu vesep tau aepen tan, go Diu nagire ve uma waiwanumun, 鈥淎pan ma wat veta tau aepiwa ge Rom nagirewa bawarewa iragenawa muga Sisa evenewa uon. Iwa Iesu ayop mek tan wainiwa Sisa uewa warapen taiwan. Da ayop mek ta wapi ame ayop bawarewa Sisa anavi megawa.鈥
13Wam ame Pailat mame wane anuni, Iesu nau tau one amba Pailat wanene watat mega gagap ae wanden, at ameme yaua gwat gwaratan tane arewa (Iburu nop muga yaua dawa Gabata diane).
14Wam imanawa Paina Yamaseni Baripewa menan endi Diu nagirewa taba bongam bongam ta napen taiwanumune wamewa. Wam ame ianupe wareni gapan, Pailat Diu nagire anega diamon, 鈥淎yop aritawa ega mam.鈥
15Go mu ve uma wane, 鈥淲at asira aisen! wat aisen! To endawane boep!鈥 Pailat singui wan, 鈥淣e ayop aritawa ega to endawain?鈥 Pirisi namu yoyo muga nagirewa gare wane, 鈥淣u ayop aritawa nuga da uon go Sisa megenat.鈥
16Pailat uiwa gapan Iesu ware munen amo to endawapen menan. Ap menan ita nagirewa Iesu waran amat tane.
17Mu Iesu nanamasene oma korosi wat aen. Boge Iesu nau amon at yaua Apan I Kaime Arewa tauan (Iburu nop muga gapan Golugata diane).
18Ap mepe mu korosi gapan tobatamen endawan, apan dere den guramon yamu yamu dawamon amba Iesu yaumakamup.
19Apan Pailat ok tata kakayat ta munen korosi gagap tobatamen. Ok anega seni, 鈥楳a Iesu at Nasaret apanewa. Diu nagirewa ayop mugawa,鈥 ok ap anega sen.
20Ian Diu nagirewa aruga ok ma batnagene, iwa Iesu tone arewa pa Ierusalem konintu, amba den nop paupe yampo, Iburu nop mugawa, Latin nop mugawa amba Gurik nop mugawa gapan ok seane.
21Diu pirisi namu yoyo mugawa ororom warupan amon Pailat inap noyam manega wane, 鈥淣u tanda anuivin, 鈥楧iu nagire ayop mugawa鈥 ya sea go anega se, 鈥楢pan ma mek anega wan, Ne Diu nagirewa ayop mugawa鈥 ap anega se.鈥
22Pailat gare anega wan, 鈥淥k dim da seana, ap me di sean.鈥
23Wam ame ita nagirewa Iesu oma korosi gapan tobatamen, mu wanup mega tambun, yan i degede seane, apan animpo om muga gapan, Iesu wanup mega gauarape megenat wanden. Wanup mame taginamene intume no usewa da uon, amba wanup nononga daiton aipa aupa.
24Ap menan mu anega gare gare wane, 鈥淣u wanup ma ya benagepen. Nu kae otu da tayawat amba da wareta.鈥 Mame tane ame God nop mega ok namua seane tavewa tauapen menan anega wani, Mu wanup nega yan sean ase ma tambun, amba wanup nega warapen menan kae tan. Amba ap me ita nagire tanewa.
25Iesu korosi mega mainep yoniwanumune me mek inewa, me inewa gwaniwa, Meri, apan Kolopas waenewa, amba Meri Makdalin.
26Menan Iesu inewa ap mepe yaven, amba wa ewamot da me menan anu guriniwa konintu mainep yoniwandin, menan inewa inap anega wan, 鈥淚nan kaiwan, ase me endi ge otugawa.鈥
27Amba wadiat mega inap wan, 鈥淓ndi ma, ge inagawa.鈥 Wam ame use aeniwa, wadiat apane mame Iesu inewa pa mega gapan kwayup taiwandin.

Read Dion 19Dion 19
Compare Dion 19:6-27Dion 19:6-27