Dehet deng Aan in Nutus sas 22:28-30

²⁸Hidi kon komendan na tek noan, “Auk kon ela. Auk baen osa isi le halin haup hak na.” Mo Paulus siut noan, “Eta au lam, auk baen tahan sa-saa mes lo kon. Mulain deng auk inang nga in hua au kua, auk kil hak na son. Auk amang nga kon kil hak na.”

²⁹Nikit tentara nas ming noan, Paulus muik hak atuil Roma kon nam, oen hone, nol oen barain le lapat una, tamlom ketan un pait lo. Komendan na kon lii isi, undeng un but Paulus son. Nol un kon tana noan, un kaliut atorang nga son.

³⁰Ola ka kon, komendan na nuting nabael le taan parsis dais na tula-peke ka. Hidim un tadu un ima-ii las le laok haman tulu agama Yahudi las tene-tenen nas, nol atuil tene man taom daad le nehan dais agama ngas, le nakbua. Kon un tadu le laok loat Paulus ranteng nga, hidim kil nolan laok taal se atuil nas totoang.