Deftere Kuuɗe Sahaabaaɓe Ɓen 13:16-20

¹⁶Onsay kanko Puulusa o immii, o townani ɓe jungo, o wi'i: «Ko onon yo *Banii-Isra'iila'en e onon ɓee hulooɓe Alla, heɗitee!

¹⁷Alla oo jamaa Isra'iilayankeeɓe suɓike baabiraaɓe men ɓen, on Yaɲɲuɗo kadi oo jamaa fewndo ko ɓe woni tuŋarankeeɓe e nder ndii leydi *Misira, o yaltiniri ɓe ton kadi sookewo makko dolnungo ngon.

¹⁸O muɲɲanii ɓe kadi wa telen duuɓi cappanɗe nay ka wulaa.

¹⁹Onsay ɓay o mulii leƴƴi jeeɗiɗi e nder ndii leydi *Kanaana, o yeɗi baabiraaɓe men ɓen laral leydi ɓen ndin.

²⁰Ɗun fow waɗi e nder duuɓi teemeɗɗe nay e cappanɗe jowi. «Ɓawto ɗun o addani ɓe hooreeɓe, haa e fewndo annabi Samu'iila.