Text copied!
CopyCompare
De Nyew Testament - De Postle Dem - De Postle Dem 17

De Postle Dem 17:9-17

Help us?
Click on verse(s) to share them!
9De city leada dem mek Jason an de oda Christian dem pay bail money. Den dey leh um gone home.
10Wen night come, de Christian bredren sen Paul an Silas ta Berea. An wen dey git dey, dey gone ta de Jew meetin house.
11De people een Berea been mo heppy fa listen ta wa Paul tell um den de people een Thessalonica. Dey been glad fa yeh Paul message. An ebryday dey read God Book fa see ef Paul da tell um de trute.
12So plenty Jew people bleebe pon Jedus. An plenty de Greek portant ooman dem an Greek man dem bleebe, too.
13Bot de Jew dem een Thessalonica yeh say dat Paul da tell de Berea people God wod. So dem Thessalonica Jew gone ta Berea too, an pit wod een de crowd yea fa stir um op.
14So right way de Christian bredren sen Paul way ta de seasho. Bot Silas an Timothy beena stay een Berea.
15De man dem dat gone long wid Paul, dey trabel wid um til dey git ta Athens. Den Paul tell um fa go tell Timothy an Silas fa come meet um soon as dey kin. So de man dem gone back ta Berea.
16Wiles Paul beena wait fa Timothy an Silas een Athens, e see dat de people dey hab a whole heapa idol. Cause ob dat, Paul opsot fa true.
17So e gone ta de Jew meetin house an taak wid de Jew people an dem wa ain Jew dat woshup God dey, an e splain bout God wod. An ebry day e gone ta de maakut too, fa taak wid de people dat beena come dey.

Read De Postle Dem 17De Postle Dem 17
Compare De Postle Dem 17:9-17De Postle Dem 17:9-17