De Postle Dem 16:5-9

⁵So de choch people bleebe mo an mo, an ebry day mo people jine um.

⁶Paul dem gone all oba de arie een Phrygia an Galatia. De Holy Sperit ain leh um go fa tell God wod een Asia.

⁷Wen Paul dem git ta de arie ob Mysia, dey try fa go eenta Bithynia, bot Jedus Sperit ain leh um go dey.

⁸So dey trabel on shru Mysia an gone down ta Troas.

⁹Dat night, God show Paul a wision. Paul see one Macedonia man da stan dey, an e da beg Paul say, “Come oba yah an hep we een Macedonia!”