De Postle Dem 12:14-19

¹⁴Wen e yeh Peter boice, e so heppy, e ron back fa tell de oda res. Bot e ain open de door fa Peter. E gone an Peter dey da stanop at de door.

¹⁵De people tell Rhoda say, “Ya crazy!” Bot e keep on da tell um dat e so. So dey say, “Dat mus be Peter angel dey.”

¹⁶Bot Peter steady knock. Wen dey open de door an see Peter, dey been stonish down.

¹⁷E mek sign wid e han fa mek um stop fa taak. E tell um how de Lawd been tek um outta de jailhouse. Den e tell um say, “Tell James an de oda bredren wa happen.” Den Peter gone ta noda place.

¹⁸Wen day clean, de gyaad dem been all stir op. Dey aks one noda say, “Wa happen ta Peter?”

¹⁹Herod chaage um fa go look fa Peter, bot dey ain find um noweh. So Herod quizzit dem gyaad, an den e gii orda fa oda sodja dem fa kill um. Atta dat, Herod lef Judea an gone down fa stay een Caesarea.