Dagiti Salmo 51:3-7

³Ta ammok dagiti nagbasolak, ken adda a kanayon iti sangoanak ti basolko.

⁴Nagbasolak kenka, sika laeng ti nagbasolak ken nagaramidak ti dakes iti imatangmo; hustoka tunggal agsaoka; nalinteg iti panangukommo.

⁵Kitaem, naiyanakak iti kinadakes; sipud pay inyinawnak ti inak, nagbasolakon.

⁶Kitaem, tarigagayam ti kinapudno iti pusok; iti pusok impakaammom kaniak ti kinasirib.

⁷Pasin-awennak babaen iti hisopo, ket dumalusakto; ugasannak, ket napudpudawakto ngem iti niebe.