Dad Nimò 25:1-6

¹Na tlu butang Fistus kel di banwe Sisariya mdà kenen salu di Dyérusalém.

²Na di kakelan di Dyérusalém i dad ulu i dad bà di Dwata na i dad to gal mebe i dad Dyu, salu di kenen du tulenla i salà Fol. Na too ale fakdo di kenen

³ku fasfuléan Fol di Dyérusalém, du fandamla fanlaabla kenen di dalan na fnatila.

⁴Kabay tmimel Fistus, manan, “Tabnilanggù Fol di Sisariya, na fan agu samfulê ditù.

⁵Taman fye ku nun dademe di dad uluyu magin deg salu ditù, na dale tmulen i salaan ku nun.”

⁶Na mnè Fistus déén di Dyérusalém walu ku demen sfalò butang. Na kafnge én, samfulê kenen di Sisariya. Na di tmadol duh sudeng kenen di gumukuman na fafngén Fol.