Dad Nimò 1:15-25

¹⁵Na di satu du, lam i dad to ftoo di ku Dyisas stifun, nun kè dad mlatuh lwe falò i kdeela, na tadag Piter di blengla, manan,

¹⁶“E dad flanek, là fakay ku là gdohò i fala fgadè i Mtiu Tulus fagu di ku Dabid di munan gablà ku Dyudas, i mebe dad to kamfè ku Dyisas.

¹⁷Kenen i satu di gito di munan du mgalék kenen du fye glam di nimòto.”

¹⁸I filak gwè Dyudas di sasè nimòan, bayadan tanà. Na déé i gutatekan, guna i ulun, btù i tienan, na lamwà i tnain, na fles mati.

¹⁹Na linge i kdee dad to di Dyérusalém i ta mkel di ku Dyudas. Taman, yé katlola i tanà ayé di dale talù, dunan Akildama, na yé gumtatekan Tanà Litè.

²⁰Na fadlug Piter talù, manan, “Ta gsulat di libru Salmo, manan, ‘Mulà moon ku tadè tnagak i gumnèan, na ku ta landè to mnè déé.’ Na lê nun sulat, manan, ‘Fye ku lê nun tlasan di nimòan.’

²¹“Na yé duenam man, là fakay ku landè tlas Dyudas, i satu to fakay tmulen gablà di kték i Amuto Dyisas di fati. Là fakay ku ise kenen satu to mdà di dad to gal magin di gito lamto magin ku Dyisas, balù mdà di kbunyag Dyan kel di kbatun Dyisas.”

²³Taman, malék ale lwe lagi, dunan Matyas na lê man Dyosip, i galla tlo Barsabas, na yé lê satu dagitla dun Dyustu.

²⁴Na kafnge ayé, dmasal ale, manla, “E Amu, gadèam i mnè di nawa i kdee dad to. Begam fgadè di gami ku nè di lwe to ani i ta nalékam,

²⁵du mgimò kenen tlas Dyudas, dunan i to tmagak i nimòan di galam kdek dun du salu kenen di banwe gten di kenen.”