Dad Nimò 14:24-28

²⁴Na kafngela magu di banwe Fisidya kel ale di Famfilya.

²⁵Na kafngela tamdò i Tnalù Dwata di banwe Firga fles ale di banwe Atalya.

²⁶Na mdà di Atalya maweng ale mulê di Antiyok di Sirya, i banwe gumdàla, du tafnge i nimòla. Dunan i banwe gudmasal i dad to dale di kabléla dale di ifat Dwata di fanla mdà magu.

²⁷Di kakella di Antiyok, santifunla i dad to faglut, na tulenla i kdee mgimò Dwata fagu di dale, na i kiboan lamwa i dalan dad to ise Dyu faglut di ku Dyisas.

²⁸Na too mlo ale mnè déén di saféd i dad to faglut.