Dad Nimò 13:35-41

³⁵Na nun dademe gman di Salmo, manan, ‘Laam faloh ku balok i laweh i Saligam Landè Salà.’

³⁶“Na i man Dabid ise gablà di kton, du di kafnge i kdee fimò Dwata kenen mati kenen, na lbangla di saféd i dad gutambulan, na balok sa i lawehan.

³⁷Kabay Dyisas i nték Dwata mdà di fati, landè kbalok i lawehan.

³⁸“Taman dad flanekgu, nun santulengu gamu na kayègu ku tooyu gadè, dunan fagu di ku Dyisas nlifet Dwata i dad salàyu.

³⁹Na balù simto faglut di ku Dyisas Krayst galwà di kdee dad salàla, na mbaling matlu di kite Dwata. Kabay ku fagu di dad flalò blé Dwata di ku Mosis landè kibòla matlu.

⁴⁰Taman too gamu fgeye du fye là mkel di gamu i tagsulat dad tugad Dwata, manan,

⁴¹‘Tooyu neye gamu i madoy i kaglut, kadang too gamu tikeng na mati gamu, du nun fangu nimò i làyu fnaglut, balù fa nun mubad dun di gamu.’ ”