Text copied!
CopyCompare
I tnalù dwata - Dad Fngewe - Dad Fngewe 7

Dad Fngewe 7:14-26

Help us?
Click on verse(s) to share them!
14“Duh ani tadnohògu i fakanggu, na nun utengu mdà di kadsùgu.
15Taman fanngabalta ge, na du teenta ge taman smitong agu.
16Na nlafingu i gumilègu i too fye baweh batak safut fdu di banwe Idyif.
17Na tankokgu fangbun i gumilègu i dnagit mira, alo, na sinamon.
18Taman magin ge deg du nimòta i knayèta i gaflehew gite kel mwal.
19Là déén yaangu di gumnè, du mawag gusalun.
20Neben sa bong filakan, taman laan mlal samfulê, lwe linggu fa.” Ani gman i libun mlafà i yaanan.
21Na tagboyon lagi ani fagu di kladal i dad gmanan.
22Taman fanlalan lalò i libun ani, salngad i baka dyol salu di gumatin, salngad i uhe mfawel di fawel,
23na nun tbak di fufungan, salngad i anuk di bnas mayeng ditù di fawel, laan gadè i gukelan kadang di fati.
24Dad ngàgu, flinge gamu i tdògu gamu, na mimen gamu i mangu ani.
25Nangyu faloh i nawayu magin di ayè i libun gambet ani, na nang gamu mlalò i kenen dalan.
26Du tadee lagi falmon, na i dad lagi tamati du mdà di kenen, làyu gse dun du toodee.

Read Dad Fngewe 7Dad Fngewe 7
Compare Dad Fngewe 7:14-26Dad Fngewe 7:14-26