19Kabay i dalan i dad to sasè mahal, du too kmifu, na tlaab ale, du làla teen i gutlaabla.
20Ngàgu, toom fandam i gmangu di ge, na too ge flinge i dad tulengu ge.
21Toom busek ani di fandamam, na toom busek di lam i nawam, du fye laam glifet dun.
22I dad to too gamlabat i gmangu ani fye lawehla, na too ale mlawil.
23Toom neye ku tan fandam i nawam, du ku tan i mnè di nawam, én nimoam.
24Nang ge tmulen kéng, na ku nun manam toom man i glut.
25Tatì ge fatlu magu di matlu dalan, du fye landè gumyaam.
Dad Fngewe 4
Dad Fngewe 4:19-25