Dad Fngewe 28:6-23

⁶Fye fa i to landè ku matlu i nimoan, di to nun knun bay mlimbung i demen to.

⁷I tingà mimen i dad flalò nun kaglabatan, bay i tingà magin i dad to mimò sasè fyaan i maan.

⁸I to mbaling nun knunan fagu di bong kafngaan i filak fdeman, i knunan ani baling gablé di to mayè mlé di dad to landè.

⁹I to là flinge i flalò Dwata knang Dwata i dasalan na laan fanlinge.

¹⁰I to fagsalà i satu to fye, kenen baling gamdawat i flayam, bay i to fye, gamdawat i kafye.

¹¹Slaan di fandam i to nun knun, too glut nun kfulungan, bay i to landè i nun kaglabat, gmadè i kaglut ku glut fulung kudemen là.

¹²Ku nun satu to matlu mgimò ganlal too flehew i dad to, bay ku nun satu to sasè mgimò ganlal salbuni baling i dad to dulikò ale.

¹³Landè gufye i to gal muni i dad salaan, bay i to tmulen i dad salaan di Dwata na tnagakan, nlifet Dwata isalaan.

¹⁴Nun kafye di to gal mimen Dwata, bay i to fgal i ulun, nun kaflayaman kel di kenen.

¹⁵I ukum i dad bong labè lmanaf dnagit liyun na béar ku bitil, salngad i ukum i sasè ganlal magot i dad to landè du slame ale tookanlikò.

¹⁶I satu ganlal kulang kaglabat, landè sa kakdon, bay i ganlal là mayè mlimbung, du fye matnù i knunan, too mlawil iglalan.

¹⁷I to manò i demen to, too msamuk i nawan, na tatì mimò i kalmon. Na tatiam kenen faloh.

¹⁸I to mimò i matlu nimò maklung kenen di sasè, bay i to là mimò i matlu nimò laan twan i kfugenan di ksasè.

¹⁹I to too mimò di tanaan nun bong knaanan, bay i to gal falmo i duh di landè fye nimoan, baling kenen tolandè.

²⁰I to gsalig nun gufyen, bay i to mayè mlal nun knunan fagu di klimbung, fanlayam kenen.

²¹Là fye ku i to gal mukum ku nun nsenan, bay nun dademe dad mukum mimò sasè, du fye nun gwèla balù alòtukay.

²²I to mademet too mayè ku mlal nun knunan, bay laan twan kakel i klandean.

²³I to mngak i demen to, too mabtas fa di satu to dmayen kenen fagu di dee manan, bay kadì là mdà dinawan.