Text copied!
CopyCompare
I tnalù dwata - Dad Fngewe - Dad Fngewe 24

Dad Fngewe 24:7-15

Help us?
Click on verse(s) to share them!
7I mngalam talù i to fulung faldam là glabat i to là fulungfaldam, taman ku nun kastulen too mngalam, landè timelan du laan glabat.
8I to funan fandam i kiboan mimò sasè, én kdagit kenen i to mimò samuk.
9I ksamuk i gal fandam i to là fulung faldam, salà sa, na knang dad to i to gal madoy.
10Ku mlungay i nawam di nun samuk, too glut mlungay ge.
11Faflalam falwà i to landè gugsalaan, i fan fnati i dademe.
12Kabay ku balingam man, “Landè gadègu, nalandè labetgu di to atù,” bay gmadè Dwata ku tan i mnè di nawam, du kenen too meye ge, taman gadean i kdee, taman bnalasan ge di kdee dad nimoam.
13Tingàgu, minum ge tnab, du too fye neman, na tnab mdà di dalit i sugen too mi.
14Na too fye nem i tnab di baam, salngad i kafye i kfulung dinawam, taman toom fkah di nawam kfulung, du nun kadang gufyem di satu duh, na gdohò i kafye i galam fatan.
15Nang ge meye i kfagum mlayam i to matlu, salngad i nimò i tosasè du tmaku, na nangam falmo i gumnean,

Read Dad Fngewe 24Dad Fngewe 24
Compare Dad Fngewe 24:7-15Dad Fngewe 24:7-15