Dad Fngewe 17:10-24

¹⁰I to nun kaglabat, too mlal tdò balù fa alò fagu di sulê kngakkenen, di to i là fulung faldam, balù fa tamaskél mlatu dulê.

¹¹I to sasè gal mlét i dad to di banwe, taman nun ganlal i landè kakdo salu di kenen na bnalas i sasènimoan.

¹²Fye fa ku gamsitong ge i labè lmanaf béar tnaku i dad ngaan, di gamsitong ge i to là fulung faldam, di kimoan sasè i landègukmamu.

¹³Ku sasè baling balasam i fye, too là tlag i sasè di gumneam.

¹⁴I katbù i ksugak, salngad kaloh yéél matbe di ksangam dun, taman fanlalam tanlag di là fa tambù, du fye là mbaling bong.

¹⁵I to gal mukum falwà i to gamsalà, du fye là maflayam, nafanlayaman i to landè salà, i nimoan ani slame knang Dwata.

¹⁶I to là fulung faldam, là mayè fulung, taman landè lubay fagbet kenen, du tatì falmo filak.

¹⁷I dad to sgalak, toola fite i kasakdola, na landè gukmamu i kasaflanek ku là ale stabeng di bang nunkaflayam.

¹⁸I to kulang kaglabat, makang kenen mayad dad uteng i demen to.

¹⁹I to mayè sugak, mayè gamsalà, na i to too fdag, mayè ku malmo.

²⁰I to faldam sasè, landè fye fatanan, na i to talù sasè, sasè gukelan.

²¹I tingà là fulung faldam, alò mlé klidù nawa i maan, na landè klehew i maan di tingaan là fulung faldam.

²²I klehew nawa, gafye i laweh, na i klidù nawa, gafsasè i laweh.

²³I to sasè i gal mukum i usay dmawat filak di gugbuni, na msang i kaglut.

²⁴I to nun kaglabat, kayean ku i kdee nimoan fagu di fye kfagu, bay i to là fulung faldam, sbalét i fandaman.