Text copied!
CopyCompare
I tnalù dwata - Dad Fngewe - Dad Fngewe 16

Dad Fngewe 16:10-24

Help us?
Click on verse(s) to share them!
10I glal i harì mdà di Dwata, taman i kukuman mbaling matlu.
11Ani kayè Dwata di dad to fabli, ku là mlimbung i timbangla, na too matlu i kafablila.
12Knang i dad harì i sasè nimò, du én gutadag i kagotla i matlu nimò.
13I dad harì mayè ale flinge i kaglut, na knabasla i to tmulen i kaglut.
14I to fulung faldam, too fgal flehew i harì, du ku malbut i harì ken nun fafatin.
15Kabay ku lehew i harì, mlé kenen i kafye di dad to gaflehewkenen, salngad i ulen mlé fye di dad fule.
16Fye fa ku nun kfulungam faldam di nun blawenam, na fye fa ku nun kaglabatam di nun salafiam.
17I to fye mlalò i dalan mawag di ksasè, na i to too fgeye ku tanè i gusalun, landè gaslokan.
18I bunge i kafdatah na kafdag dunan kalmo.
19Fye fa i to ku fdanaan i nawan na fadlug di klandean, di gakuf kenen di dad to fdatah na nun alelan di dad tnakula.
20I to too flinge i tdò kenen, nun gufyen, na nun kafye di to too smalig di Dwata.
21I to fulung faldam dnagit to nun kaglabat, na i kafye taluan, én gmagan mebe i dad to.
22I kfulung i to fulung faldam, én gafye na gatgal i nawan, bay i to là fulung faldam, landè gukmamu i katdò kenen.
23I to fulung faldam, too funa faldam di laan fa talù, taman i taluan too fnaglut i demen to.
24I fye talù, salngad i tnab too mi i neman, na gafye i laweh.

Read Dad Fngewe 16Dad Fngewe 16
Compare Dad Fngewe 16:10-24Dad Fngewe 16:10-24