Dad Fngewe 15:23-31

²³Lehew i to ku fye i ktimelan di bangan tmimel dun.

²⁴I to fulung faldam, mlalò i dalan salu di nawa landè sen, là mlalò i dalan salu di fati.

²⁵Lanbà Dwata i gumnè i to fdatah, bay nifatan i tanà i libun balu.

²⁶Knang Dwata i fandam i dad to sasè, bay kanlehewan i talù dad to mlaneb i nawala.

²⁷I to mlimbung fakufan sa i malayan di ksamuk, bay i to là dmawat i blé du fye msen di sasè, mlawil kenen.

²⁸I to matlu funan too faldam di laan fa tmimel, bay i to sasè mlal timelan, bay sasè i manan.

²⁹I dasal i to matlu too fanlinge Dwata, bay mawag Dwata di to sasè.

³⁰Ku lehew i satu to, ge baling too lehew, na i fye tulen too gafgulê ge.

³¹Ku flinge i satu to i kngak kenen, mbaling kenen satu di dad to fulung faldam.