Text copied!
CopyCompare
I tnalù dwata - Dad Fngewe - Dad Fngewe 12

Dad Fngewe 12:14-24

Help us?
Click on verse(s) to share them!
14I to gamdawat i untung fagu di dad gmanan na i dadmgimoan.
15I to là fulung faldam, fnaglutan slame fye i kdeenimoan, bay i to fulung faldam too flinge i fngewe.
16I to là fulung faldam, laan gadnan i kaflabean, bay i to nun kaglabat, fbayaan i kafyà kenen.
17I to tmulen i kaglut di gususay falwaan i kaglut, bay i to tmulen i là glut falwaan i kakakéng.
18I to i là funa fandam i manan, i manan gamban salngad i kagban i fais, bay i to fulung faldam, i manan salngad i bulung dugafgulê.
19I kakakéng là sa mlawil du nun gusenan, bay i kaglut mlawil landè gusenan.
20I to faldam mimò sasè, klimbung i mnè di nawan, bay i to faldam mimò fye, klehew i mnè di nawan.
21Landè sasè mkel di to matlu, bay i to sasè gal nkel i samuk.
22Too knang Dwata i dad to tmulen kakakéng, bay toon kanlehew i dad to tmulen i kaglut na dmohò i manla.
23I to fulung mebe i kton laan fdag i gnadean, bay i to là fulung faldam balingan fdilè i klandè gnadean fagu ditaluan.
24I to malgad mimò, kenen mbaling to mebe i nimò, bay i to là mayè mimò, landè fye kel di kenen, bay mimò fagu dileges.

Read Dad Fngewe 12Dad Fngewe 12
Compare Dad Fngewe 12:14-24Dad Fngewe 12:14-24