Dad Fngewe 10:21-28

²¹I dad talù i to matlu, too gamtabeng i dee dad to, bay i to là fulung faldam, là mlawil du landè kaglabatan.

²²Én gafnun i to mdà alò di kafye blé Dwata, na i kafye blén là gfun dun fagu di kalgad mimò.

²³I to là fulung faldam, too flehew di kimoan sasè, bay i to nun kaglabat, too flehew di kimoan fye fagu di kfulunganfaldam.

²⁴I kanlikò i to sasè, baling sa mkel di kenen, bay i to matlu, én sa mkel di kenen i knayean.

²⁵Kakel i bong ulen na too mgal i nus fugen i to sasè, bay i to matlu kel di atuan là fisan di kgal i nus.

²⁶Nangam fimò i to malwe mimò du baling smamuk ge, na sasèkafalyalom, salngad kafalyalom i kifanam ku mgihok i sukà ku demen kafdê matami buk.

²⁷I to nun klikoan di Dwata, mlawil kenen, bay i to sasè, mlal mati.

²⁸I fatan i to matlu, én gamlé kenen klehew, bay i fatan i to sasè, là gdawatan dun.