Text copied!
CopyCompare
I tnalù dwata - Dad Fngewe - Dad Fngewe 10

Dad Fngewe 10:15-26

Help us?
Click on verse(s) to share them!
15I kamlung i to nun knun, dunan i knunan, bay i gafalmo i to landè, dunan i klandean.
16Mdà di untung i to matlu, nun klawilan, bay mdà di untung i to sasè, nun kaflayaman.
17I to flinge ku nun mngak kenen, én i to mlawil, bay i to là dmawat i kagsalaan, nun sasè gdawatan.
18I to muni i knang nawan, én i to tmulen kakakéng, na i to samtugad salék, én i to là fulung faldam.
19I to too mayè stulen, slaan gsalà du mdà di dee manan, bay i to gadnanan i taluan, kenen i to fulung faldam.
20I dad talù i to matlu too mabtas, salngad i btas i glut salafì, bay i fandam i to sasè landè btasan.
21I dad talù i to matlu, too gamtabeng i dee dad to, bay i to là fulung faldam, là mlawil du landè kaglabatan.
22Én gafnun i to mdà alò di kafye blé Dwata, na i kafye blén là gfun dun fagu di kalgad mimò.
23I to là fulung faldam, too flehew di kimoan sasè, bay i to nun kaglabat, too flehew di kimoan fye fagu di kfulunganfaldam.
24I kanlikò i to sasè, baling sa mkel di kenen, bay i to matlu, én sa mkel di kenen i knayean.
25Kakel i bong ulen na too mgal i nus fugen i to sasè, bay i to matlu kel di atuan là fisan di kgal i nus.
26Nangam fimò i to malwe mimò du baling smamuk ge, na sasèkafalyalom, salngad kafalyalom i kifanam ku mgihok i sukà ku demen kafdê matami buk.

Read Dad Fngewe 10Dad Fngewe 10
Compare Dad Fngewe 10:15-26Dad Fngewe 10:15-26