Daahili Aloho 4:9-15

⁹Dogu aloho mo dagu ahina hai lodo, o golomada mo do hau uwa dela e hau iei goe gu haga ngalungalua dogu manawa.

¹⁰Dogu aloho mo dagu ahina hai lodo, do aloho e hagatenetene au, do aloho e koia e kala i nia waini. Dau lolokala koia e kala i nia lolokala ala i golo.

¹¹Di kala o nia mee maangala laagau la gu i di gili o malaungudu, dogu aloho, do holole e hai gadoo be nia milugu mono mee maangala laagau i lodo dogu ngudu. O goloo gahu e llamu i di hauiha kala o Lebanon.

¹²Dogu aloho mo dagu ahina hai lodo, goe la di hadagee mo dono dama monowai gu abaaba, gu duuli hagammuni gi daha mo nia daangada,

¹³deelaa di gowaa e tomo humalia ai nia laagau lligi. E tomo humalia gadoo be di waa laagau ‘pomegranate’ e huwa ono huwa humalia huoloo, gadoo be nia laagau hauiha ‘henna’ mono ‘nard’,

¹⁴nia laagau lolokala ‘saffron’, mo ‘calamus’, mo nia ‘cinnamon’, mono hagadilinga mee hagakala guu logo i di gowaa deelaa. Nia laagau ‘myrrh’ mono ‘aloe’ e tomo i golo mono hagadilinga lolo kala ala i golo.

¹⁵Nia monowai e haga magalillili tadagee deelaa, nia dama monowai mmidi, mono dama aloalo e hali ia i nia Gonduu Lebanon.