Daahili Aloho 4:1-5

¹Goe e madamada huoloo, go dogu aloho! O golomada e mmada mai haga humalia i lodo dau mee gahu golomada. Nia ngaahulu o do libogo e dehedehee gadoo be di hagabuulinga kuudi ma ga llele ia gi lala i di gili nia dama gonduu o Gilead.

²Oo niha e kene hila mmaa gadoo be nia siibi ala hua dogo dahi nadau gili, gaa lawa ga gaugau. Deai di niha ne doo ai, huogodoo e madatau hagahumalia.

³O malaungudu e hai gadoo be taula gahu mmee, koia e madanga i do madagoaa ma ga leelee. O gauwae e maahina mai i lodo dau mee gahu golomada.

⁴Doo uwa e labubudu ge malallali gadoo be di angulaa a David, mo dono hau uwa e hai gadoo be nia mee duuli e mana.

⁵Oo uu e hai gadoo be nia manu ‘gazelle’, nia hagahaanau ee e lua e miami i lodo di waa daladala.