Daahili Aloho 3:2-8

²Au gu hoologi laa lodo di waahale, i hongo nia ala mo mehanga nia hale, au gu halahala dagu dangada dela e aloho ai, gei au gu deemee di gida a mee.

³Digau hagaloohi o di waahale gu gidee ginaadou au. Au ga heeu gi digaula, “Goodou gu gidee dogu aloho?”

⁴Dogu hagatanga hua gi daha mo digaula, gei au gu gidee a mee. Au gaa kumi a mee, digi diiagi loo, gaa lahi a mee gi di ruum dela ne haanau iei au i di hale dogu dinana.

⁵Nia ahina o Jerusalem, hagababa mai gi di au, doange mai gi di au i di ingoo o nia ee ala e llele huoloo mo nia manu ‘gazelle’ bolo goodou hagalee haga deaadee di mau aloho.

⁶Ma di aha dela e hanimoi i lodo di anggowaa gadoo be tuludulu huiahi, dela e hauiha lolokala gi nia ‘incense’ mo nia ‘myrrh’, nia ‘incense’ ala e huihui go digau kokoodai mee?

⁷Solomon e hanimoi, e laha mai i hongo dono lohongo king. Digau dauwa e modoono e madaloohi a mee, ala go digau e kaedahi i Israel.

⁸Digaula huogodoo koia e iloo di hai hegau gi tulumanu dauwa, ala go digaula ala e aali i di hai dauwa. Tangada nei mo tangada nei i digaula guu hau ginai tulumanu dauwa ga madaloohi laa i di boo.