8Pueyanaa, majaari najuhuana casami nia poonu, niaa jaara cumaneecaaju quiri. Saniniuujia pueyanaa, maja cutaraari niarta pueya paniniu nia puecanu. Pueyaracaanu nojori panijiaca nia quiri cutara. Naacuajitij, cante narta pueya panijiani, nojuajaari Moisés Rootasano tojijia cutara.
9Supuetana Moiséscuajaari naa naajiotaquiaari puera, Pueyaso sequesano nojuaja: “Maja niyacaraca maaji numuetucunu. Maja pueyano monu. Maja nohuasejonu. Maja tamasaca jiitiasano casamiicua jiaatiaja nia quiniu”. Socua queraatia na rootasanoori quiya. Niocuajaari socua pa tojishocoriquiano na rootasano: “Quiarta pueyano panijia quia quiri, taa quia paniya tama quia cuaqueyacuaani”. Paa jaara saaja nio Moisés rootasano tojijia quirini, paari tari puetunu na rootasanojuanaa tojijia quiyani.
10Cante seetanujuanaa pueyano panijiani, nojuajaari maja sesa na miiniu narta pueyano. Naaratej, paa jaara panijia quiriquiani, paari puetunu Moisés Rootasano tojijia cutarani.
11Pueyanaa, nio nia niishiri. Pa Jiyaniijia rijionu juuca pajaniyari tari quenaacoya. Cuno juucaari quiarijia socua cateca quiya paa jaara nocua tiuuquiaarini. Naaratej, cante juhua maqueyajaani, nojuaja cuaara niucuaara, pa Jiyaniijiara na poonijionura.
Carta a los Romanos 13
Carta a los Romanos 13:8-11